Wednesday, September 7, 2011

నిద్దురవ్వాలి

సంవత్సరాల తరబడి
నిద్ర మిగిలిపోతూనే వుంది
చంటిపాపలా
నిద్రపై పెత్తనం
చెలాయించాలి
గిల్లి ఏడిపించే కలలొద్దు
పువ్వులు
మెత్తని మేఘాలపై పరుగులు
అమ్మ కళ్ళు
లాలి పాటలోని హాయి రాగం
ఇవి కావాలి....ఇవే కావాలి
గందరగోళం సృష్టించి
కంటి నిండా నిదురోయే
పసి ఏడుపు కావాలి
చిందరవందర ఆలోచనల్తో
నింగిలోకి చూస్తూ
బుగ్గపై జారే నక్షత్రాలను
తుడుచుకుంటూ
తేలిపోయే నిద్ర కోసం
ఏడుపసలే వద్దు