ఈ క్షణం యవ్వనంలాంటిది
అందుకే అందంగా ముస్తాబు చేయాలి
ఫొటో తీసిపెట్టుకోవాలిగా!
మళ్ళీ జీవితపుటంచుల మీద నిలబడి
ఆల్బం తిరగేసినప్పుడు
క్షణాలన్నీ పోటీ పడాలి తేల్చుకోలేనంతగా!
ఎద నుండొచ్చే చిరునవ్వు మీదుగా
వ్యధలన్నీ మాయమయ్యేంతగా!

***********************

జీవితం మలుపు తిరిగిందని, పాత గుర్తుల్ని పారేసుకోలేంగా!
ఈమలుపు సరైనదే కావొచ్చు, ఈమలుపే రాసిపెట్టివుండొచ్చు
అయితేనేం, పాతదారిలో జీవం వుండబట్టేగా, అదిప్పటికీ జీవిస్తున్న జ్ఞాపకమయ్యింది.